البرمودا تحت العباءه والسقان طالعه خير انشاء الله..؟؟

بسم الله الرحمن الرحيم
اللهم صل على محمد وال محمد وعجل فرجهم

في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..

كانت البنت إذا البست عبايه مطرزه مزخرفه ملونه قلنا عنها صايعه ومو متربيه .. او ماوراها اهل ورجال ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي ..

لكن الظاهره الي انتشرت في الفتره الاخيره تتطلب منا التكلم عنها ومناقشتها ..
وهي ظاهره البرمودا القصير تحت العباه .. وياريت تكون العباه مسكره ..
الا مفتوحه وتظهر السيقان والي مايشوف الا غصب يشوف ..
يعني ودي اعرف وشو هدف الفتاه لما تلبس برمودا والسيقان طالعه ووتمشى في المجمع وبكل ثقه ؟؟
واللي يرفع الضغط لو طالعتها بنظره استغراب قامت تطالعك بنظره احتقار وكأنك غلطت عليها بالنظره
ونست ان اهي صاحبت هالتصرف وهي الي حطت روحها في هالموقف ..
والمشكله بعد لين تعرض لها احد الشباب قامت تسبه انت قليل ادب ومو متربي وووو .... الخ ..
طيب اذا اهو قليل ادب انتي وشو ؟؟ انتي ماحترمتي نفسك ولا احترمتي الموجودين في هالمكان
ليش تتوقعين من الشباب يحترمونك ولا يسون لك حساب؟؟
والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟
الاهل وينهم ؟؟ مايشوفون بناتهم ؟ مايشوفون وش لابسين ؟؟
اوكي خل الاهل على جنب ؟؟ البنات شلون يرضون على نفسهم ؟؟ نسوا العادات والتقاليد ؟

نسوا انه عيب ؟؟ وين الوازع الديني ؟ وين الخوف من الله ؟
كل هالأشياء صارت عاديه بالنسبه لهم ؟؟؟
عموما ماراح اطول عليكم .. بس بغيت نتناقش في هالمووضع واعرف رايكم فيه ..

وياريت اتجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟ و أين ؟؟
2_ شرايكم بهالنوع من الفتيات ؟
3_ برأيكم مالهدف الذي يجعل الفتيات يطلعون بهالشكل ؟؟
واخيرا .. هل في كلمه تحب توجها لهالفتيات ؟ نصيحه او حتى نقد ؟؟

واسمحولي اذا طولت عليكم ..بانتظار مشاركاتكم وارائكم بالموضوع

بسـمـ الله الرحمـنـ الرحيـمـ ..

مشكورة اختـي على هالموضوع .. ولو نتكلم الى بكـرى ماراح انشووف فايدهـ بس ان شـاء الله

انشـوف تغيـر في هالبنـات .. مشكورة غاليتـي مرهـ ثانيهـ ربي يسعدكـِ ويخليكـِ .. راح اجاوب على

الاسئلهـ ..

هل صادف وان شفت هالظاهره امامك ؟ و أين ؟؟

ايـ شفــت في سـوق ميــاس خخخخخ وفـي مارينـا مووول

شرايكم بهالنوع من الفتيات ؟

انـا ماراح اقول اهلهم ماربوهم لان حرام اغلط على الاهـل ويمكـن تعبوا فيهـم يمـكن من صديقات

الا تمشـي معاهم .. يعنـي ماابـي اغلـط على اي وحدهـ .. ماراح اقووول الا الله يستـر عليـهم وان

شـاء الله يعرفوا الصـح والغلط ..

برأيكم مالهدف الذي يجعل الفتيات يطلعون بهالشكل ؟؟

مـثـل ماقـلت في السؤال الا قبـل يمـكن من الصديقـات او يمـكن يبوا يلفتـوا الانظـار ولا يمـكن انها

مو مصـدقه شاريهـ برمودا هههههههههه خخخخ

هل في كلمه تحب توجها لهالفتيات ؟ نصيحه او حتى نقد ؟؟

الله يستـر عليـكم ..

ان شـاء الله عجبـكـِ ياغاليـتي ماكتبـت

اختكـِ

مذوبهـ كـل القلوووب

مشكوره غناتي ..
بجد فرحت يوم شفت ردك اي هيكا الناس الي تبرد الخاطر وشدعوه

من زمان حاطه انا مواضيع بس ماحد رد واللحين بجد ونستيني بردك ...

السلام عليكم ورحمة الله وبركاته

مشكوووره حبيبتي على هالموضوع

وربي يعطيكِ الف عافيه ..

وبرد على اسألتكِ ...

1_ هل صادف وان شفت هالظاهره امامك ؟ و أين ؟؟

شفتها وااايد واللي اذكره اليوم في السوبر ماركت

2_ شرايكم بهالنوع من الفتيات ؟

اممم ما ادري والله بس اعتبرهم لا مباليات

3_ برأيكم مالهدف الذي يجعل الفتيات يطلعون بهالشكل ؟؟

مو دائماً يكون في هدف من الشي ..

مثلاً بقول لك ... اني اعرف وحده شفتها مره طالعه كذا وسألتها ليش

قالت لي كنت مستعجله ومايمدي اغير ثيابي اللي لابستهم في البيت

وبالنسبه لي هذا عذر مقنع ...

تعرفي شباب هلأيام ماينتظروا ثواني في السياره اذا بيوصلوكِ مكان ...

ما اقول ان الكل عذرهم مقنع لا .... بس يختلف الشي من ناس لناس

واخيرا .. هل في كلمه تحب توجها لهالفتيات ؟ نصيحه او حتى نقد ؟؟

ما اقول الا الله يستر عليهم ويهديهم

وان شاء الله ماطولت عليكم

ومشكوره مره ثانيه

أختكم : نبضه حنونه

1_ هل صادف وان شفت هالظاهره امامك ؟ و أين ؟؟

واجد وبكل مكان .. فالسوق بالشارع ويمكن حتى صديقاتي .. يعني ماينعدون

2_ شرايكم بهالنوع من الفتيات ؟

بصراحه ما اعرف وش يقدون بهالتصور .. ياشاب تعال شوف
3_ برأيكم مالهدف الذي يجعل الفتيات يطلعون بهالشكل ؟؟

قله ادب اهلهم الي ساكتين عنهم .. وضعف ايمانهم
4-خيرا .. هل في كلمه تحب توجها لهالفتيات ؟ نصيحه او حتى نقد ؟؟

الله يهدي الجميع

تحياتي
رووووح

يسلمو على هدا الموضوع الرائع

الله يسلمكم يارب على التواصل الحلو ..

تسلمي ايبنت الخاله على الموضوع
تحياتي نبض المشاعر

الله يسلمك .....

مشكوره وماقصرتي

يسلمو على اللطه الحلوهـ..!!

_ هل صادف وان شفت هالظاهره امامك ؟ و أين ؟؟

كثير وبمختلف الأمآكن ..
2_ شرايكم بهالنوع من الفتيات ؟
لا استطيع أن احكم لمجرد هذاا الأمر لكن لتتجنب هذا المحظور تستطيع ان تغطي قدميها وساقها بشراب طويل < كمآ افعل في حال اضطريت ان اخرج بالبرموداا
3_ برأيكم مالهدف الذي يجعل الفتيات يطلعون بهالشكل ؟؟
مانقدر نحكم لأن كلناا نغلط لكن بعضهم اذا مو مهتماات ان الملائكة تعلنهم وقت مايطلعون بدون شراااب مااتوقه بيهمهم يكشفووا خااالص
واخيرا .. هل في كلمه تحب توجها لهالفتيات ؟ نصيحه او حتى نقد ؟؟الله يهيدكم جميعااا

؛؛

لك ِ وِدي