ردوعلـيّ قلبـي وهاتـوه ويـنـه
خلاص مالي في هوى البيض مصلوح
كم واحـد(ن) قبلـي تعالـى ونينـه
قلبه عليـل ويـن مـاراح مجـروح
اماانـا ذقـت السيـوف السنيـنـه
سطت على قلبي وخلت بـه قـروح
قررت اسافر وابتعـد عـن حنينـه
واحيا حياتي واختفـي عنـه وروح
ما سـوق قلبـي للعـذارى رهينـه
قلبي عزيز ماهو للجـرح مطـروح
لا صار مابـه مـن يصونـه بعينـه
ما نيب مرخص به ولا نيب مسمـوح
حاشى وكلا ما ارتمـي فـي يدينـه
ماني من اللّي يجذبـه كـل مملـوح
القلب مثـل الطيـر يكـره سجينـه
خسران من يترك له البـاب مفتـوح
بشكـي لربـي عـلّ ربـي يعينـه
يصبر على ليل الشقى وكثّرة النـوح
يمكن في يوم(ن) يسعـد الله سنينـه
ويسوق منهو يشرح القلب والـروح
محد(ن) تـرى مثلـي تزايـد أنينـه
ليل ونهار يصـارع الهـم مذبـوح
سطرتهـا يالله عسـاهـا حسيـنـه
ابيات منهو دمعـه اليـوم مسفـوح
الرئيسية 
أحدث الصور 
التسجيل 
دخول 
الأربعاء نوفمبر 12, 2008 12:31 pm
