قالها قلبي لـ قلبك
ألف مره .. إنه يحبك
وانت وحدك عالم بها
بعد ربك
بكل إحساسك ونبضك
● ● ●
وينه صداها ؟
وين هـ الكلمة الدفينة
ماتت الكلمة .. دفينة
ماتت صديقة هـ الحزينة
ماتت بعدك يا المدينة
● ● ●
ماتت بـ هالقلب العليل
تمشي في الدرب الطويل
كانها عابر سبيل
ماتت طفلتك ..
● ● ●
ماتت معك ..
زهرة الفجر الأصيل
وانت على بعضك
من عبرة الخافق بخيل
● ● ●
أذكر وجودك
مع جحودك
تذكر قساوة
وين المحبة والطراوة
بين جرعات المرارة
أسقيتني رشفة حلاوة
● ● ●
وبين لذات المحبة
عيشتني بـ أصدقها كذبه إي نعم ..
أكبرها كذبه
● ● ●
كنت طفلة هـ المكان
في هـ الزمان
ترتجي غفوة
على صدر الأمان
كنت دمعة حب
تنتظر لمسة حنان
● ● ●
تنادي
إقرب يا إنسان
وتبكي
إبعد يا حرمان
● ● ●
وبعد اللي كان وكان
وبعد نكران الجميل
منك يا أقسى خليل
أنا أشهد إنه الحب هو أكبر ذليل
أكبر ذليل
● ● ●
اخترت أبعِـد .. أبعِـد معك
يا الباقي من باقي الكرامه
إلا الملامه
● ● ●
رحلت بعيد .. أبعَــد بعيد
اترك معك ذكرى الحروف اللي تريد
ترجع وتبقى من جديد
نبض الطفوله
بـ حضن الرجوله
وتبقى في العالم أكيد
أسعد من قلب السعيد
في ليلة عيد
● ● ●
وترد ..
تعيد وتزيد
تحرق الخافق
بنار أقوى من نار الحديد
وكلمة تكسر الخاطر
مثل .. تكسير الجليد
إِبـعِـد بعيد
أَبعِد بعيد
● ● ●
ترد لـ طبعك الاول
ما تغير
تبي تقسى علي أكثر
تراني طفله
ما اتحمل .. اتأثر
أتعذب .. اتألم واتحسر
● ● ●
وفي الآخر ..
في حضنك طفلتك نامت
بعد القسوة .. بكت .. عانت
وشمعة .. بنارها ذابت
● ● ●
ماتت طفلتك .. ماتت
قسوتك .. علي جانت
● ● ●
ماتت الطفله الحزينه
قبضت أصابعها بـ إيديها
ترتجي لمسه يمينه
.. مسيكينه ..
● ● ●
يظن إنها بعدها بخير
طفلته بعدها بخير ..!
يوصله الخبر الأخير
اللي يأكد له المصير ..
لفظة النفس الأخير
● ● ●
الرئيسية 
أحدث الصور 
التسجيل 
دخول 
الأربعاء يونيو 25, 2008 3:19 am
